මැදපෙරදිග යුද උණුසුම හේතුවෙන් කුවේට් බලා ශ්‍රීලන්කන් ගුවන් ගමන් තාවකාලිකව නවතී

මැදපෙරදිග පවතින යුද වාතාවරණය හේතුවෙන් කුවේට් රාජ්‍යය වෙත ශ්‍රීලන්කන් ගුවන් සමාගම සිදුකරන ගුවන් ගමන් වාර තාවකාලිකව අත්හිටුවා ඇති බව ශ්‍රී ලංකා සිවිල් ගුවන් සේවා අධිකාරිය නිවේදනය කරනවා.

ඒ අනුව, ඊයේ (20) සිට ජූලි 26 වැනිදා දක්වා කුවේට් බලා ක්‍රියාත්මක වන සියලු ගුවන් ගමන් වාර තාවකාලිකව අත්හිටුවීමට පියවර ගෙන තිබෙනවා.

මේ සම්බන්ධයෙන් වැඩිදුර තොරතුරු ලබාගැනීම සඳහා 1979 ක්ෂණික දුරකථන අංකය, +94 11 777 1979 දුරකථන අංකය හෝ +94 74 444 1979 WhatsApp අංකය ඔස්සේ විමසීම් කළ හැකි බවයි දැනුම් දී ඇත්තේ.

එමෙන්ම, ශ්‍රීලන්කන් ගුවන් සමාගමේ නිල වෙබ් අඩවිය වෙත පිවිසීමෙන් ද ගුවන් ගමන් පිළිබඳ නවතම තොරතුරු ලබාගත හැකි බව ශ්‍රී ලංකා සිවිල් ගුවන් සේවා අධිකාරිය සඳහන් කළා.